Эхирни вун,къарар гана,хъфена,
Регьят яни гила ваз,зун галачиз?
Зун лагьайтlа,рикl гъамарив кфена,
Тlал гузава,терс атанвай бала хьиз.
"Вердиш жеда,алатда ви рикlелай,
Гьи азабни акъатда,ви чандавай".
Рикl-тукlунар гуз я дустар кlевелай,
Вуч чир хьурай абруз-гьикl заз кlандава?!
Ашкъид цlелхем гьат тавунвай рикlериз,
Хабар жезни зи къеневай ялавдин?
Хер чухванал,тlал аян ян кикериз?
Ракь туш хьи рикl,куьмек хъижен къилавдин.
Амма мадни зун кьисметдиз аси туш,
Ашкъ лугьур а земземдин яд пай гана.
Ашкъид ялав туьхъуьниз зун рази туш-
Рикl ягъар кьван кlан я заз а цlай кана.
23.01.2019 г.
***
© Copyright: Намик Фарзалиев, 2019
Свидетельство о публикации №119012503360
Свидетельство о публикации №119012503360
Рецензии