Жарашуланы Марьямны юсюнден назму

Циканов Харун
Жарашуланы Марьямгъа аталады

Эртде-эртде, бек эртде,
Жер жюзюню бир жеринде,
Уллу къыралланы биринде,
Ол къыралны бир жеринде,

Бек бийик тауланы этегинде,
Таулуланы бир юйдегисинде
Бир къызчыкъ жашагъанды.
Аны аты Марьям болгъанды.

Марьям школда окъугъанды,
Анда иги белгиле алгъанды.
Къылыгъы да иги болгъанды,
Атын иги бла айтдыргъанды.

Эм кесин махтатдыргъанды.
Атасын, анасын бек сюйгенди,
Кесин да алагъа сюйдюргенди,
Аланы да къууандыргъанды.

Заманын бош ётдюрмегенди.
Окъуудан сора дерс этгенди,
Андан сора юйде болушханды.
Адырланы ариу жуугъанды,

Полланы да жуууп тургъанды.
Гитче эгечлерине къарагъанды,
Аш-азыкъ этерге юйреннгенди
Эм бир затдан да эринмегенди.

Циканов Харун Асланович
15 января 2019 года


© Copyright: Циканов Харун, 2019
Свидетельство о публикации №119011607949
Список читателей / Версия для печати / Разместить анонс / Заявить о нарушении
Другие произведения автора Циканов Харун
Рецензии
Написать рецензию
Другие произведения автора Циканов Харун