Аппайланы Марьямны юсюнден назму 1

Циканов Харун
Аппайланы Марьямгъа аталады

Жер жюзюню бир жеринде,
Уллу къыралланы биринде,
Ол къыралны бир жеринде,
Жерни башында жаннетде,

Бек бийик тауланы этегинде,
Таулуланы бир юйдегисинде
Бир жигит къызчыкъ жашайды.
Аны Марьям деген аты барды.

Марьям школда окъуйду,
Анда иги белгиле алады.
Къылыгъы да бек игиди,
Атын иги бла айтдырады.

Эм кесин махтатдырады.
Атасын, анасын бек сюеди,
Кесин да алагъа сюйдюреди,
Аланы да къууандырады.

Заманын бош ётдюрмейди.
Окъуудан сора дерс этеди,
Андан сора юйде болушады.
Адырланы ариу жуууады.

Марьям анасына болушады:
Арбазларын ариу сыйпайды,
Полларын да жуууп турады,
Ариулукъгъа бек сакъ болады.

Гитче эгечлерине къарайды,
Ала бла ойнаргъа заман табады.
Аш-азыкъ этерге юйренеди
Эм бир затдан да эринмейди.

Циканов Харун Асланович
16 января 2019 года


© Copyright: Циканов Харун, 2019
Свидетельство о публикации №119011607932
Список читателей / Версия для печати / Разместить анонс / Заявить о нарушении
Другие произведения автора Циканов Харун
Рецензии
Написать рецензию
Другие произведения автора Циканов Харун