Хьайит1ани тахсиркар къал-макъалдин,
Хата авач, гьуьрмет ая дугъридиз!
Атай ч1авуз ви кьилел тlал завалдин,
Дугъриди вун хуьда вичин багъри хьиз!
Гьуьрметдикай, къурху хьана, къекъечlмир:
Кьегьалвал чи - тан я, гьуьрмет – дувул я.
Я чарадан чиниз кlек хьиз экъечlмир-
Кlекрехъ авайди гьа вечрен акьул я.
Маса къачуз кlан хьайитlа хъсанвал,
Мумкин я ам дуьньядилай багьа хьун.
Дуьньядилай багьани я инсанвал,
Кутугнавач инсандиз буш лавгъа хьун.
Гьардан мурад чир хьайитlа хъсан я:
И аламат багъишнач чаз Худади.
Са хесетни виридалай масан я:
Гьуьрмет ая ажиз, кесиб инсандиз.
Гьуьрмет дувул я
© Copyright: Магомед Мирзоев Мирзой, 2019
Свидетельство о публикации №119011604435
Свидетельство о публикации №119011604435
Рецензии