Каляда…Усплывае дзяцінства.
Не бывала мацней пачуцця:
Нас чакалі пад ёлкай гасцінцы,
На стале ў гаршчочку куцця.
Ладавалі жанчыны вячэру,
Клалі сена на стол пад абрус.
Продкаў тых шанавалася вера:
У гэты дзень нарадзіўся Ісус.
Наступала пара віншаванняў…
Весялей! Зноўку святы ідуць.
Калядоўшчыкі шмат пажаданняў
З гэтым днём нам усім прынясуць.
Адарыце іх, шчыра, багата
Хоць цукеркамі, хоць пірагом,
Каб не знала бяды ваша хата,
Каб удача прыходзіла ў дом.
Найвялікшае, светлае свята
С яснай зоркай на небе прыйшло.
Хай усім будзе шчасця багата,
Няхай грэе радзіны цяпло.
Каляда
© Copyright: Надежда Момлик, 2019
Свидетельство о публикации №119010601779
Свидетельство о публикации №119010601779
Рецензии