Хьадукар
Фукьан вушра а утканвал хьадукраз,
Беълийин гьар ву ухшар таза швушваз,
Умун гьава, зирек ашкьар, гъюдли укI,
Гьиссарира абцIнайи булагъсиб юкIв…
Итир улубзнайиси марццун гьарра
А дийибгъну, кюкдин кабар тIурччвури,
Я мичIли, я мани дару му вахтра
Ккуниб вузуз. Яризси ккилигури
Шулза, умуд киври гьарган хьадукрак,
ЦIийи уьмур ккебгърайиси гьар йисан,
Хъпехъураза мяълийихъ мани шавгьран,
КIваин хури йиз ккуни Табасаран…
Фукьан вушра а утканвал хьадукраз,
Беълийин гьар ухшар ву таза швушваз…
© Copyright: Шюшеханум Керимова 2, 2019
Свидетельство о публикации №119010500299
Свидетельство о публикации №119010500299
Рецензии
