Беслан
Беслан, Беслан! БицІи шагьур… Уьлкейиъ
Уву аьгъю дубхьна аьхюр, бицІириз.
Яв дерд убшрадар саринра келлейиъ,
Гьаз гъипнийкІан уву гюлйирин пис цІигъ?
КІару дапІну илимдин машквар йигъра
Яв бицІидар фу бадали гъийихну?
Думу йигъан удубчІвну айи ригъра,
КІару дердну дидин нурарра ккеркну.
Гюлди дуркну дурар жил`ин дахьруган
ГъутІуркІундар угърашарин юкІварра.
Беслан, Беслан! БицІи шагьур…Уьлкейиз
Уву аьгъю хьундайиш ужу шуйи.
Яв дерд убшрадар саринра келлейиъ,
Вахтнура адар зийнар сагъ апІури…
© Copyright: Шюшеханум Керимова 2, 2019
Свидетельство о публикации №119010500137
Свидетельство о публикации №119010500137
Рецензии
