Авач

Суварар я,гьич заз чидач вучдатlа,
Чи патара адан ни-ялни авач.
Чlехибуркай зун рахадач-хвешила
Цlингавзавай аял-куялни авач.

Затlни авач агьалийрин кlвалера,
Хабар кьуртlа,селлер физва вилерай.
На лагьайтlа,берекет жез чилерай,
Тум авачиз,цанавай сални авач.

Мал-девлет вуч-гьич шеъ авач жегьилриз,
Са машгъулат,пеше авач сефилриз.
Мехъерардай ашкъ атайтlа гевилриз,
Адахлидиз бахшишдай шални авач.

Куьчедал физ,кlвализ хтун-карни чlал,
Бейкарвал я агьалидин кьилин тlал.
Гьикьвандалди икlа давам жеда жал,
Дуьз хъижеда лугьур хиялни авач.

Пудкъанницlуд санди са къуз амачна,
Колхоз,завут марагъуриз тарашна.
"Дирибаш"ди "ажуз"дан хам алажна,
Хуьревайдаз кьецlи са кални авач.

Элкъведачни бес сура чи бубаяр,
Барбатl хьанва туькуьрнавай убаяр.
Газни амач,кьатl хъувунва турбаяр,
Рукар тергна,къула куз кьални авач.

Са незира кхьин лугьуз Вакъифаз,
Алахънава Намихъ-килиг авай къаз.
Ччар чlур мейир,шатlун адан гьайиф ваз,
Ваз нукьсансуз чидай са чlални авач.