На ўсіх шляхах у свеце веды,
Не сакрэт, як іх знайсці:
Натхненне, мара, мэта, кеды,
Ехаць, плыць, ляцець, ісці...
Не за плячыма — груз сумненняў,
А толькі вецер і спакой.
Сярод імпэту і імкненняў
Проста быць самім сабой.
Шукаць ні славы, ні багацця,
А той нябачны небасхіл,
Дзе кожны крок — нібыта шчасце,
Дзе кожны подых — прыліў сіл.
І хай мазолі, пыл і стома —
Дарога лечыць ад ілжы.
Ты не пакінуў стены дома,
Ты дом пашырыў у душы.
30.12.2018
Кеды
© Copyright: Владимир Басалыга, 2018
Свидетельство о публикации №118123000499
Свидетельство о публикации №118123000499
Рецензии