Кьулан дагъда шагьвар къекъвез серин я,
Ша, ацукьин ял аладриз пlирерал.
Аллагьди хуьй, фагьум, фикир дерин я,
Зикридин сес хкаж ийин синерал.
Вуч лагьайтlани дагъвидин кlалуб я:
Цавара, гагь, лув гузава лекьре хьиз.
Фикирайт1а, са кардал зун тажуб я:
Ватан т1ак1ан инсан жеда кере хьиз.
Яб це шагьвар къугъвазавай рагариз-
Чи рик1евайди абурун са кlус я!
Сегьви хьана, фимир дагъви ахвариз:
Ватандин тlвар хкажин: ам намус я!
Кьуд патахъай алтlуш хьанай душманар:
Руькъвед кьулай хкаж хьайди - лезги я!
Жуванбурал вегьизвайбур бугьтанар-
Я келлеяр, им яни куь тербия?
Кlанивал туш, мецеллайди ялтахдин:
Шалта хьиз мез вилик жедач кьегьалдин.
Къалурайт1а жуван акьул кlвалахдив:
Иесияр жеда акьул-камалдин!
Ажугъдивай файдавализ хьайид туш:
Ачух рикlиз, дугъри гьамиш мугьман я!
Игитдин тlвар ялавдани кайид туш:
Кьегьал хциз ялавни баркаван я!
Ачух рикlиз дугъри гьамиш мугьман я
© Copyright: Магомед Мирзоев Мирзой, 2018
Свидетельство о публикации №118122805079
Свидетельство о публикации №118122805079
Рецензии