Геж алукьай рик1е гатфар,
Бегьер тегъир гуьзел багъ я.
Лугьуз тахьай верц1и гафар,
Чим тагудай гатун рагъ я.
Рик1ин сирер аманат хьиз ,
Амукьна чаз рик1ел хкир.
Муьгуьббат чи ахвар хьиз,
Рик1елай гьич алат тийир .
Чахъ галукьай ашкъид ялав,
Вучиз вун зав агат хьанай?
Гьиссериз гуз гьевес,къилав ,
Гьарам кардиз нубат ганай?
Вахтуникай жеда дарман,
Нубатсуз атай гатфарин .
Шад гуьгьулдин,азиз лукьман,
Зи ашкъидин ч1аларин.
Геж алукьай гатфар
© Copyright: Роза Белая 777, 2018
Свидетельство о публикации №118122803382
Свидетельство о публикации №118122803382
Рецензии