Дэ дремыщ1 мы гъащ1эм лей

Икъук1э хуэныкъуэщ адэр быным,
Щ1алэхук1э ***йуэ имыщ1а.
И ефэ-ешхэр, къэк1ухьыныр
Къыхихри иджы лей къэхъуащ.

Сыт иджы быным яжри1энур?
Сыт хуэдэ 1уэхук1э къыщ1идзэн?
Сабийуэ къигъэнам къадэну?
Сыт хуэдэ псалъэ япидзын?

Иджы и бынхэр балигъщ псори,
Унагъуэу ахэр т1ысыжащ.
Хэт дежк1э адэм здиунэт1ынур?
Гупсысэурэ гур ижыхьащ.

Къыхуагъэгъунуми имыщ1э,
Къыхуамыгъэгъуми, къилэжьащ.
Ауэ а адэм мырщ имыщ1эр :
И бынхэм ягухэр махэ хъуащ.

Иджы езыхэр адэ-анэщ,
Я бынхэр яп1ыр теубгъуау.
Губзыгъэу къыщ1эк1ащ я анэр:
Абы ищ1ар къыхуигъэгъуащ.

Тегушхуэ, адэ, ябгъэдыхьэ,
Уи псалъэ дахэ захегъэх.
Загъазэм , уи гум щ1омыгъыхьэ,
Я бамп1эр т1эк1у ирегъэхьэх.

Зэман дэк1ами, уежьэжами,
Ущ1егъуэжащ, къэбгъэзэжащ,
Е лъагъуныгъэр къыфтек1уащ,
Е бынхэм щхьэк1э пхуагъэгъуащ.

Я жагъуэ дауэ дымыщ1ами,
Бынхэм дэ сытым деж дахуейщ.
Ди щхьэцхэм тхъугъэ къыхидзами,
Дэ драмыщ1 абыхэм лей.