Слъэк1ам адыгэ псор зэхуэсшэсынт,
Шэрджэси, Адыгеи, Къэбэрдеи!
Зэгъусэу дэ 1энэшхуэм дыт1ысынт,
Махъсымэр, ди шхын 1эф1хэр куэдык1ейуэ.
Гукъеуэ ди1эм, унэм къэдгъэнэнт,
Фыгъуэныр, псалъэ гуауэр ди гум илъми,
А псори зэуэ къэпыжь гуэр иддзэнт,
Псы уэрым едгъэхьынт, ди гур къыхуэплъу.
Ди пщ1эр, нэмысыр, адрей хабзэ псор
Ди жьант1эм ек1уу дэ дэдгъэт1ысхьэнт.
Абы и жы1эм щэхуу дедэ1уэнти,
Жыт1энт :"Дызэрылъагъуу дывгъэпсэу!"
Утыку еттынт ди фащэм, бзэ дахащэм,
Ди дуней дахэм - псэр зыдэщ1эращ1эм.
Дыкъызыхэк1а лъэпкъым дэ дыхуэвгъэфащэ,
Мы дуней дахэм дыдэвгъэщ1эращ1э! ;
Слъэк1ам адыгэ псор зэхуэсшэсынт
© Copyright: Кипова Лена, 2018
Свидетельство о публикации №118122505841
Свидетельство о публикации №118122505841
Рецензии