Сэ си сабиигъуэм и ныбжьэгъу,
Си щ1алэгъуалэ дахэм и гупсысэ!
Гъащ1эм дэ дищ1акъым зэ1эпэгъу,
Ауэ зык1и сэ зызмыгъэгусэ.
Дызэхуимыщ1ами зэ1эпэгъу,
Насыпыншэ т1ури дэ дыхъуакъым.
Схуэхъу си жьыгъэм нобэ и ныбжьэгъу,
Ныбжьэгъугъэм жьыгъэр лъэ1эсакъым.
Гъащ1эр сакъыу дэ къытк1элъыплъащ,
Гъуэгу пхэнж бзаджэм дытригъэувакъым.
Гузэвэгъуэ куэди тщхьэщихащ,
Абы и гуф1эгъуи дыхинакъым.
Сытк1и гъащ1эм дыхуэарэзыщ,
Къытхуищ1ащ абы къытхуигъэфащэр.
Ф1ыр къытелъхьэ ноби тэрэзэм,
Дытетыхук1э мы дуней дахащэм!
Си сабиигъуэм и ныбжьэгъу
© Copyright: Кипова Лена, 2018
Свидетельство о публикации №118122403688
Свидетельство о публикации №118122403688
Рецензии