Яребби,вучиз заз дуьшуьшарнай вуна ам мад?
Дуьнья вири са пад хьанава заз гила,ам-сад.
Лап сифте акурла за лагьайд тир хьи,ахвар я-
Жеч им са гьакъикъат,я жеди им са аламат!
Ингье,мад акъатна зи вилик а перизада,
Карагзавачирди и сефер заз хьана успат.
Зуьлейха рикlелай алатиз тир,акунайтlа
Юсифаз ама-гьикl тахьурай бес зи метер къат?!
Белки ятlа ам мугьман атанвай са малайик?
Мез лал хьана зи,пагь атlана,цуькl хьана такъат.
Тикрар зи рекьел мад акъудиз хьайтlа вун а яр,
Тавакъу хьурай,заз жува-жув хуьзни це къуват...
...Агьузар авун бес хъия,Намихъ,межер аси,
Яргъадлай адан гьакl са акун ваз жеда савкьат.
17.12.18 г.
Къезел
© Copyright: Намик Фарзалиев, 2018
Свидетельство о публикации №118122000518
Свидетельство о публикации №118122000518
Рецензии