Цулин тереб, кьу1рдин аяз,
Г1у1лин рагъухъ эва ц1иял?
Эран тукар, фи э къараз? -
Уп гьал чве ирк1уран хиял?
Т1имирхье, ирк1в, белки шад вахтт
Вес ккиефи - дахьас гъафил…
Фиштти гъушай хьес дайи бахтт?
Шав, дакьас хьин ирк1вар сафил.
Тукар ч1игиб вахтт дахьуна,
Т1абиг1атдин мусибати.
Лец1ул меркквар кьу1рд дахьуна
Лихьуб, зурба г1аламати.
Рагъун нурар, ккеттик1 сара,
Ккеттик1 гьал чун къирийриккес.
Мерккв хьу жандис акье чара,
Хабар гъуше че х1алдикес.
Макьа кьисмат вун кьярукар,
Хъуттихьи мукьам даъахи.
Сабур акьас, я футнакар,
Ми девг1ин макъам даъахи.
Ц1улин тереб, къурдин аяз Г. Омаров
© Copyright: Сабира Омарова, 2018
Свидетельство о публикации №118121907966
Свидетельство о публикации №118121907966
Рецензии