ЦIигел хьанва зун
Им вуч носталгия- зи руьгьдин къене?
Къветерихъ дарих я суварин цене!
Циф авай са юкъуз хьрабдин* кIане
Кендирагъ жакьунихъ цIигел хьанва зун.
МичIи секинвиле хуьр ксай чIавуз
Килигда тухдалди за виняй агъуз,
Гъетер хунчаяр хьиз чукIурна цавуз
Экуь варз акьунихъ цIигел хьанва зун.
Чиг алай чIурарал гелер тадайла,
Сувара вирида кIунтIар къадайла,
Цуькверин арадай, векь ягъадайла
Шуткварар ** якьунихъ*** цIигел хьанва зун.
Галатна, агь чIугваз йиф алатдайла,
Кьвалара нур акьаз рагъ акъатдайла,
Рушар булах патахъ рекье гьатдайла,
Са тават акунихъ цIигел хьанва зун…
СтIурин нугъатдай:
*хьраб- купIарин кIватIал.
** шуткварар- сувара жезвай куьлуь некьияр.
***-якьун-жагъун
© Copyright: Билал Адилов, 2018
Свидетельство о публикации №118121005507
Свидетельство о публикации №118121005507
Рецензии