КIанда заз гьиссер хьун къадир авайдаз,
Дуьздазни какурдаз къимет гуз чидай,
Вучда йисарикай фидай гьавайда,
Шадвал гуьзетдайла дерт –гъамар гъидай?!
КIанда заз гъил вугуз, гуьгьул ахъайиз,
РикIив агуддайдав ам кIевиз кьуна,
Садра кат тийидай масадаз цIайиз,
Саврухра гьатайла зун патахъ туна.
КIанда заз бахш ийиз жуван канивал,
Кьабул тийидайдаз гьиссер къугъун хьиз,
Тахьурай а ругьда са кIус иIчивал-
Вулканри кьуьлеррай лава алахьиз!
КIанда заз байихиз еперин суьгьур,-
РикIер галкIурзавай ашкъидин суза.
Ахьтиндаз чирдай за бахтавар уьмуьр,-
А тават паталди дуьня гудай за!
Дуьня гудай за
© Copyright: Билал Адилов, 2018
Свидетельство о публикации №118121005265
Свидетельство о публикации №118121005265
Рецензии