Аномалия
-Вуна заз гаф ганай, духтурдиз фида
Ва адан жавабар къе заз хкида,
Гьи жуьре акъатна кардиограмма?-
Килига таб мийир вуна заз амма!
-Фикирмир, азизди къалурна вири,
Рекьидач икьван фад дири, я дири,
Лукьманриз чида кьван -абур гьали я,
Диагноз гана заз : аномалия!
Лагьана, жакIумар кьунва са тIалди,
Секинвал гузвач ваз и къалмакъалди.
Азабар кIватнава на жуван гине-
Мад са рикI ава кьван зи рикIин къене!
Вири хъсан жеда ,дерт мийир вуна,
Куьлуь затIарикай багьнаяр кьуна,-
Хъуьрена элкъвена ам гьамиша хьиз,
Пашман вилерилай накъвар алахьиз…
© Copyright: Билал Адилов, 2018
Свидетельство о публикации №118121005196
Свидетельство о публикации №118121005196
Рецензии