O papom kratneme sa sheryat...

O papo'm kratne'me sa sherya't
Ke e'mourdoulizen s'oti'm...
Epinen'ato sterya'sterya...
Ksaii a so nou'm kanis ki perya't
Nya eksoria nya spathin...

E'mathizen ta tragodias
Ya t'ekinou ya ti progonts,
Ya ta kaiimous ke stivarias,
Ya ta hamena kinonias....
Pou ta otia's na tsouponts?

Ton alon pa kamian k'ida...
E'skotosan sin filakin...
Ksan si geran i foushkalida,
Aman ki hate i elpida....
Ta homata't lafra na in...

Aikon perasam sholion
Si kalomanas sin avlin:
Romeiika monon shkil pedia,
Me t'ala m'esheten doulian...
Me to paston emas lali...

Sin prosevhin parakalontas
Asrtrafteron esh to kontar..
Panta so polemon Arhontas,
Sa kefya protos, sa horontas
En to romeiikon palikar...

Nto esone genoktonia
Ekserne oul i temeter...
Sa tourkika ta proksenia
Keron mi hanete pedia...
E'petaksen to pelister...

Erte alagete I gnomi
Ke morfomenon to kami's...
Emis ki theloume signomi,
Me ta psila'toun iok akomi..
Nte perane - olya opis!