***

Квез пакаман хийирар, чи Булахдин багърияр!
Гьик1 ава куь хизанар, гьик1 ава куь кефияр?
Алукьнавай кьуьд хьурай чахъ галаз лап кьадайди -
Лезги инсанрин рик1ер гьамишаллугъ шаддайди!
Гьар пакамляй няналди къул чими хьуй куь, дустар!
Кьилиз акъатрай рик1е авай гьар садан къастар!
Чи к1валера шагь хьурай бахтар, чандин сагъламвал,
Кьасухдайни гьалтдайбур къилихдик квай инсанвал!
Эгер дуствал кьазват1а михьи ният рик1еваз -
Атурай чеб гьамиша - экуь рагъни пелеваз,
Фикиррани мецерал са гафар хьуй жедайбур -
Пехилвални туькьуьлвал хъуьч1уьк квачиз къведайбур.
Кат-калтугиз къугъвадай аялдин хъвер гьар к1вале,
Гьат тавурай садрани гьич са к1усни куьн к1еве.
Чими фу хьуй - берекат - вири лезги суфрадал,
Сусан гъилелди гуьц1дай вирт хьуй к1ук1на сук1рада.
Мел-мехъерин шад хабар анжах атуй чаз, дустар,
Кьуьд атанва - гьазурин Ц1ийи йисан ,ша, тостар!

Аяз Бубади гъида шешелдавай савкьватар!)
ДЕКАБРЬ 2018