Да твайго я пляча прыхінуся,
Сплюшчу вочы і ціха ўздыхну.
З асалодай, ласкава ўсміхнуся,
Бо мяне ты кахаеш адну.
Сваё сэрца прынесла ў далонях
І аддала табе назаўжды,
Каб бярог, цалаваў мае скроні
Усе астатнія нашы гады.
Ахіні мяне шчырасцю, любы,
Захіні ў паліто з дабрыні.
Спадзяюся, што ўжо не да згубы
Нашы ночы і светлыя дні.
Не аддам я цябе анікому,
Нікуды не пайду і сама.
Мы спяшаемся разам дадому,
Беражом яго свет нездарма.
Да цябе прыхінуся, каханы,
Каб сагрэў словам цёплым душу,
Каб на ёй не засталася раны,
Той, што доўга ў сабе я нашу.
02.12.2018 г.
Да цябе прыхiнуся
© Copyright: Ковальчук Тамара Васильевна, 2018
Свидетельство о публикации №118120200737
Свидетельство о публикации №118120200737
Рецензии