Г.Омаров
Агъул-дере - г1азиз Ватан,
Зе ирк1в э вун, зе сифтта муг.
Бе чайлахар, суван к1илар
Чуни жаннатин багьа руг.
Агъул-ватан хьуни варха
Ми хье кьадар э, хье кьисмат.
Фиттикес акьа гьел арха? -
Кканда зус вун хъуда лазат…
Агъул, зус вун зе уху ч1ал
Зе фикирар, зе хияли.
Шатти агвас ве х1ал-авх1ал
Вун хъагубахъ зун ц1ияли.
Агъул ч1ал, ве фи ий тахсир
Дусах дивас къазаматиъ?
Х1яр акьуб хье тарихин сир
Несиларис аманати.
Ликьяригьан хьин Аллагьди
Г1арш-суван к1ил кьисмат акьу,
Са кьац1 гуни гьич рах1атди
Фачадархьа рукъал акьу?
Завул але нахчирисра
Магъу-дере карамати.
Хьин дерейиъ лихьу ракъяр
Агуттарис г1аламати.
Алчатуна ц1ае дуйел,
Ч1ал вун халкьдис хьурай панагь.
Къуллугъ акьас ч1алас гуьзел…
Дакьаттарис хьурай гунагь
Фацанас хьин лайикьде мукь,
Гъушахилди хье халкьди худ.
Лагьиж хьаси агъул-г1ашукь
Пуна, Х1абиб, кия умуд.
Х1абибан умудар
© Copyright: Сабира Омарова, 2018
Свидетельство о публикации №118120203420
Свидетельство о публикации №118120203420
Рецензии