.Омаров Габибуллах
Зун вея - чун сакьурай,
Ирк1уралас гьамата,
Миннати х1у1рар-хулар -
Зе кканеттик кемата.
Харч1-булахин ругъу хьед -
Зун вас ату аманат…
Мугъаят ухь вун мурад
Дахьурай вас хиянат.
Сифттайлас лайсан суман,
Вун ширинди угъуни.
Гьел мерккун кьвали суман,
Валлагь, зус вун ругъуни.
Зун хабаъ фацу тукар
Вас файинде савкьати.
Ц1иялди ай хьин дахьуб,
Факьас хьаси - кьисмати.
Вун и савкьат т1убалин
Кьаш лархьуна гулуни…
Вахъ умуд хъай гъузуна
Зе жан-жигер ц1уруни.
Вазалан муч1ар хьуна,
Вун агвайра андахи.
Чве баван ч1аларилди,
Гьич зе умуд киндахи.
Аманат
© Copyright: Сабира Омарова, 2018
Свидетельство о публикации №118120203394
Свидетельство о публикации №118120203394
Рецензии