Я чан гуьзел, ви буй-бухах себеб яз,
Зун йифериз ава, вацрав сирериз.
Хуш гьерекат кьатlайла за, эдеб яз,
Вуч авурай рик1е авай дердериз.
Гьикьван кхьин бендеди ваз агьузар,
Гъам-хажалат рик1е авай пара я.
Ашкъидикай ийимир, зи, к1авузар,
Кьабул тахьай гьисеринди хара я.
Хиял хьана мураддикай, чагъа тир,
Нур акуна кьисметдиз ви вилерай.
Т1алабзава вацравайни яргъа тир,
Кинар авун туп1арив ви киферал.
Дамахар гваз писвиликай амалмир -
Гьар гьейбатдиз вичин ери-зар ава.
Зи муьгьуьбат семиш тийиз паталмир,
Язух рик1е айибсуз дидар ава.
Гьар гьейбатдиз вичин ери-зар ава
© Copyright: Магомед Мирзоев Мирзой, 2018
Свидетельство о публикации №118120106238
Свидетельство о публикации №118120106238
Рецензии