Дишегьлийриз анжах цуьквер багъиша,
Гуьрчег чинал хъвер жедайвал гьамиша.
На лугьуди хуррам ванцел билбилдин
Шадардайвал даим уьмуьр гуьгьуьлни.
Дишегьлийриз лагь куьне ширин гафар,
Жегьил чанда хъуьт1уьзни хьурай гатфар.
Шуьшед къаб хьиз назик рик1 хаз к1ан жемир,
Дердер юкьва садрани ялгъуз тамир.
Нагьахъ мийир дишегьлийриз туьгьметар-
Герек туш чаз девранарни девлетар.
К1анзавайди тек муьгьуьббат ва бахт я,
Дидевилин гьуьрметдин т1вар - са тахт я.
Дишегьлийриз
© Copyright: Джульета Омарова, 2018
Свидетельство о публикации №118112802526
Свидетельство о публикации №118112802526
Рецензии