Дуй бертин гьабулеб къо бугин жакъа,
Къват1ивехун вакке дунял бихьизе.
Къоло микьго сон г1умродул завал,
Г1олил ясаз кьолеб салам раг1изе.
Гьаб нилъер ракьалда роол г1ужалда
Дуй г1олон т1егьалел т1угьдул рихьизе.
Т1алулъан рец1ц1улел ц1ц1орарал иццаз,
Черхалъе гьабулеб лазат бихьизе
Рач1а г1олил ясал г1урдалъиялде,
Нилъер Мухамадий макъан т1амизе.
Гьудул к1одо гьавун свери бахъизе
Соналги сахлъиги гьарун к1алъазе.
Рукъ роц1ц1ун хут1аги щибав чиясул,
К1одолъаги нилъер гьеб Шамиль район.
Талих1аб гурони къо бач1унгеги,
Жегиги къвак1аги нилъелъ гьаб иман.
Дур бертин
© Copyright: Аминат Максудова, 2018
Свидетельство о публикации №118112706016
Свидетельство о публикации №118112706016
Рецензии