Беларуская мова
Беларуская мова,
Квяцістая мова,
Дзе ты краскі ўзяла,
Што ўпляла ў вянок?
Ты паклала ў аснову
Каласочак жытнёвы,
Далікатны рамонак,
Мяту і васілёк.
Беларуская мова,
Срэбнагучная мова,
Можа, птушкі баровай
Ты падслухала спеў?
Ты звініш, мая мова,
Ручаінкай вясновай,
Ты шапочаш ільном,
Што ў полі паспеў.
Ціхай матчынай песняй
Ты гучыш на прадвесні.
Ты са мною і ў шчасці,
Ты са мной і ў бядзе.
Беларуская мова,
Твае шчырыя словы
Не забуду, клянуся,
Ніколі нідзе.
Беларуская мова
© Copyright: Галина Гузенкова, 2018
Свидетельство о публикации №118111708705
Свидетельство о публикации №118111708705
Рецензии
