Инжи-къарлы чарс гюнлю къышгъы сувукъ,
Тели нарат талада янгыз уьшюй.
Ёлугъувгъа заман болгъан деп ювукъ,
Сюзюк къаргъа эретургъан ич бушуй.
Сююв сеси ёлукъма алгъасатып,
Яланаякъ чапдыргъан агъачлыкъгъа.
Гёзлей оьзю къар уьстде токътап къатып,
Гёзъяшларын акъдырып яшыртгъынлай.
Сувукъ чюмней аямай ону санын,
Гьакъ юрекден сюювю ону яшнай.
Ачытдырып аврута ону жанын,
Умут уьзме гёзлерин ачгъан ойлар.
Тели нарат тюрлендирейим сени,
Янгы йылгъа янгы гьислер яйнатып.
Эки юрек ёл танглап бирче энни,
Бир болайыкъ яшавубуз яшнатып.
Тели нарат
© Copyright: Адилгерей Минатуллаев, 2018
Свидетельство о публикации №118111500721
Свидетельство о публикации №118111500721
Рецензии