Як рамантычны палацы старыя,
Колькі падзей за іх век адбылося!
Там засталіся задумкі былыя –
Добра ў палацах калісьці жылося.
Вельмі прыгожы палац мураваны.
Жыве ўспамін тут у кожнай цагліне.
Часам няўмольным ён грыміраваны –
Бачу адзнаку ў старой гэтай гліне.
Недзе былая раскоша прапала.
Ды зажурыўся ставок несуцешны.
Не засталося былога запала,
Некалі быў ён для дзетак пацешны.
Нібы пустэльнік, такі ж ён самотны,
Згасла, прапала яго расцвітанне,
Ды і палац стаў старым ды маркотным,
Можа ён марыць аб чымсьці? Пытанне.
Як задуменны палацы старыя!
І засяроджанасць цішу наладзіць.
Там засталіся задумкі былыя.
Як адрадзіць іх? Ніхто не парадзіць…
Старыя палацы
© Copyright: Татьяна Цыркунова, 2018
Свидетельство о публикации №118103102510
Свидетельство о публикации №118103102510
Рецензии