Душман Ват1айчи чевхъун,
Дургъбира дех1кадихьб.
Дудешхъали арбякьун.
Дек1ти г1ямру дех1дихьиб.
Баткаиб нешанани.
Муйли, уршби ва узби
Лерг1ер кьяркьти дургъбази
Бахъх1и х1ебуар, или.
Чис балав илди, или
Духъяндилт1анал бурх1ни
Тупани х1ярх1убазиб
Зулмукар душмантачиб.
Дургъби тамандиубли
Чарбухъун бургъантира
Цабех1 чулахъбиубли,
Лебри х1ебак1итира.
Чедибдешра сархили
Чучи х1ерти урк1бази
Пахру-разидеш хили
Душман агарварили.
Нушаб пахрули саби
Мурталралис г1ях1гъубзни.
Ах1ер Ват1ан багьандан
Жан ах1ерх1едарибти.
Баркалла биаб х1ушаб
Бургъантас, мурталралис
Дунъяличиб даршудеш,
Азаддеш калахънилис !
Бунагь хат1а урдуцаб ,
Г1ях1гъубзнала алхунти
Ват1ан ва халкь багьандан
Жан ах1ерх1едарибти!
9 майлис
© Copyright: Патимат Магомедова 2, 2018
Свидетельство о публикации №118102803155
Свидетельство о публикации №118102803155
Рецензии