Хъитlкьинзава рагъул цифед къатарай,
Аватзава живер-лацу гъетер хьиз.
На лугьуди,епинавай хтарар,
Къугъваз ава гарун сиве,кlетlер хьиз.
Саки лацу чепелукьрин къушун я,
Чапхунчийри кьунва цавар зуруна,
Ажуз хьана,амач вичин хушинал
Чил-гьатзава пенек-пенек туруна.
Гьич са сятни акъатзавач арадай,
Лацу юргъан экя хьана вирина.
На лугьуди,тlебиатдин кьарадал,
Лацу сарар экъисна,кьуьд хъуьрена.
21.10.18 г.
***
© Copyright: Намик Фарзалиев, 2018
Свидетельство о публикации №118102205290
Свидетельство о публикации №118102205290
Рецензии