***
Туманная ціхая раніца.
Жаўцеюць бярозы-жалейкі.
Асіна, асенняя п’яніца,
Губляе лістоту-капейкі.
Туманная цёплая раніца.
У барве сумуюць ажыны,
А холад ніяк не параніцца,
І грэе ім сонейка спіны.
Туманная коціцца раніца,
І хочацца піць гэту восень
І нізка – у ногі! – ёй кланяцца
За шчасце – блукаць паміж сосен.
Чароўная, дзіўная раніца!
А заўтра што з восенню станецца?
19. 10. 2018 г., Радашковічы
Туманная цiхая ранiца...
© Copyright: Юрий Боровицкий, 2018
Свидетельство о публикации №118101903891
Свидетельство о публикации №118101903891
Рецензии