Вось і верасень чакае на парозе
Восеньскія фарбы атрымаць.
Залаціста- бляклую бярозе,
А асіну чырванню прыбраць.
Ручайку быць цёмна- серабрыстым,
Сіня- шэрым хмары атуліць,
А туман бясколерным, празрыстым
Над ракой самотна пастаіць.
Жоўтая падыйдзе для ўзгоркаў,
А палям рудая па душы,
Толькі без вясёлкавай падборкі
Застануцца хіба камышы.
Ды яшчэ зялёнай афарбоўкі
Не мяшае лесу, мурагам.
Хай даносяць летнія абноўкі,
Перш чым здацца ветрам і дажджам.
Уся прырода рада падарункам-
Дзякуй верасень, наш казачны мастак!
Толькі холад восеньскім малюнкам
Зноў не паддаецца аніяк.
Сентябрь
© Copyright: Валентна Лиштван-Наумец, 2018
Свидетельство о публикации №118093000081
Свидетельство о публикации №118093000081
Рецензии