Къацу хурал алай жаван,
Беневшадиз ухшар авай,
Ви вилерал хьана гьейран,
Рик1ени ви дидар ава.
Гуьзелрин са шагь ят1а вун,
Гъалабадин дуван ая.
Ашкъидин панагь ят1а вун,
Зи дердиниз дарман ая.
Шагьвардивди къугъваз ч1арар,
Ч1улав-ч1улав хьелер хьана.
Тикрар ийиз йифди ви т1вар
Вацрахъ галаз, сегьер хьана.
Ви бахчадин цуьк я рейгьан,
Тlебиат вал пехил я жал!
Заз к1ан хьайи, халис инсан,
Вун ашкъидин векил я жал!
Вуж гьижрандин хура ава,
Ашкъидикай макан ая.
Такурла бейчара ава,
Гьисерикай бустан ая.
Вун ашкъидин векил я жал!
© Copyright: Магомед Мирзоев Мирзой, 2018
Свидетельство о публикации №118092709692
Свидетельство о публикации №118092709692
Рецензии