ахыр письмому джазама олтуруб
джангызлыкъны келечиси боллукъду
насыб кете аз болсада. толтуруб
джюрегими сюймеклигим турлукъду
энди талпыб сюйемеме деб айтмазма
къыйнамазма кеб айланыб ызынгдан
бек кюйсем да тилеб санга къайытмазма
юлюш излеб сюймекликни джазындан
керек тюлдю. арыгъанма . ажымсыз
кеб кюрешдим санга тенглик этерге
мындан ары чырмау болмай айыбсыз
керек болду меннге джолдан кетерге
бек сюйсемда санга къараб турургъа
кюле кюле мени была селешсенг
джокъду мадар экибиз бир болургъа
къыйналсамда унутурма кюрешсем
сюйеме деб тийген эсем джанынга
айтхан сезюм синген эсе ангынга
сенда унут буду ахыр тилегим
рахат болсун таза турсун джюрегинг
джашау чархы бурулмасын ызына
къурчну эрите джазуу салыб халеклик
азат чыкъсын кюйген джюрек джазына
кетсин кери бизни сойгъан сюймеклик
2006г
***
© Copyright: Хызыр Ижаев, 2018
Свидетельство о публикации №118092700653
Свидетельство о публикации №118092700653
Рецензии