А. Т. А

Хызыр Ижаев
Ауруун табханды къызчыкъ джаш джюрегим
Сюймеклик къаталыкъ эте да эзиле
Кеб соруула боладыла
Джараларын джуадыла
Ангымы бойсундургъан сезимле

Сюйеме десем не айтыр тау джамагъат
Ол болумуму сезмезча тюлсе сабий
Сен джазгъы джылы кюнчюксе
Джангы чакъгъан бир гюлчюксе
Мен а не къарт не джаш болмагъан бир

Чемюш джулдузланы тешиб берир эдим
Сюймеклигибизден эшиб кекеге бачхыч
Арабыз джылла болмаса
Бек сюйюб шашыб къалмасам
Табар эм къыз джюрегингден ачхыч

Рахат джашауну къурутуб джюрегимден
Башха къызланы унутуб сюйюб кемсиз
Этген муратым толмаса
Джазыуубуз бир болмаса
Нечик джашау этерикме сенсиз

Мен насыб джырымы излей келиб ариу
Сен джашагъан таулу джуртну этегине
Башха болса сени антынг 
Аиша деген атынг
Джара болуб тюшер джюрегиме


© Copyright: Хызыр Ижаев, 2018
Свидетельство о публикации №118092108980
Список читателей / Версия для печати / Разместить анонс / Заявить о нарушении
Другие произведения автора Хызыр Ижаев
Рецензии
Написать рецензию
Другие произведения автора Хызыр Ижаев