*******
Хасалил сардида
Маг1арул росулъ
Боркьараб гъансито
Бакараб чирахъ .
Чи гьеч1ел къват1азда
ссур пулеб гьури .
Гьелъ т1адбуссун гъолеб
т1алайдухъан к1к1уй .
Г1исинккун к1ет1олеб
къадалда саг1ат .
Гьеб такрар гьабулеб
тахида кету .
Туртил раг1алалда
бараб цо рукъи.
Рукъалъул ахада эхетун парччи.
К1одоэбелалъул
арал санаца
бихьанщинаб зах1мат
бицунеб гьаракь.
Тун гьел хабаралги
хинк1ал гьареян
какикьжоялдасан к1алъалев к1уди .
Гьаб х1айранаб сурат цебе бач1индал
Ч1амуч1лъиялъ бала
лъабц1ул жемун къвал.
Къоял унел рук1ин рак1алдеги щун.
Рак1 ц1ала эхеде-
инсул росулъе .
Хасалил сардида
© Copyright: Джамал Магомедов, 2018
Свидетельство о публикации №118091805193
Свидетельство о публикации №118091805193
Рецензии