Югъ фена, рагъ ак1ана,цlуькl хьана зегьем, кlаниди,
Зи рикlин цlай туьхуьниз туш има мелгьем,кlаниди.
Гила яргъаз я закай,гьикl хьана бес а чи гафар,
"Чун къакъатдач,-лугьудай,-чун жеда ч1ар-ч1ем",-кlаниди.
Яб гана фитнечидиз,алцурариз ганва на жув,
Гъвар ийиз,багьна кьуна,са куьлуь гьешем,кlаниди.
Икьван фад ашкъи куьтягь жед лугьунихъ зун агъадач,
За умуддалди вилив хуьзва мехъер - дем,кlаниди.
И экуь дуьньяда заз легьзе тахьуй вун галачир,
Хьайит1а лап гуьлуьшан багъни я-жегьнем,кlаниди..
К1анибурун араяр къурда пехил тир ксари,
Чун вафалу хьайит1а,чав акакьич т1ем, кlаниди.
Ша рик1ел хуьн чна женнетда хьайи гъулгъулаяр,
Иблис а,алцур авур Гьавани Гьетем,кlаниди.
Намиказ яб це вуна,гадра къванер,квай ценерик,
Хьуй адан хуш мурадар кьил кьуна бегьем,кlаниди.
Гъезел
© Copyright: Намик Фарзалиев, 2018
Свидетельство о публикации №118083101308
Свидетельство о публикации №118083101308
Рецензии