Кодамо варма вейс понымизь минек?
Прок кальдязь черть, савтано керязь явомс?
Кодамо тарькстэ эжнеме бажинек –
Истя капшинек кирвитолс каявомс?
Палынек минь ды пултынек лиятнень.
Миненек ульнесь пси, сыненст – якшамо.
Узере алов ней комавтомс прятнень –
Рунгонок аволь паро верденть чамост?
Кадык а ули вейкеськак эйстэнек.
Минек кондяттнэ – Пазонть туртов мелявкс.
Мон сядоксть тукшнынь эйстэть пелевене,
Мон тукшнынь – ды кадновинь, теке керявкс.
Мон тёжа рисьметь тапарякшнынь перькат,
Илязат вешне модань келес эйсэнь.
Ансяк, прок венч, мон яла уян верьгат
Ды яла учан тонь эсень седейсэ.
Кодамо варма вейс понымизь минек?..
© Copyright: Людмила Рябова Эрзя, 2018
Свидетельство о публикации №118082008135
Свидетельство о публикации №118082008135
Рецензии