Сон ульнесь истямо а эрсить истят...
Сон ульнесь чевте, теке мацейтолга.
Малазон сыксэль – сонсь яксесь васолга.
Марявиль, истямодонть тонськак виздят.
Сонзэ кондяттнэ эрямосонть – ловозь:
Ледевельть эйзэнь – икелень араволь,
Ды пингень перть монь перька сон чараволь,
Кода Моданок перька чары Ковось.
Вановоль мелем ды кирдевель кором,
Ды мон улевлинь весемеде питней,
Монень ветявольть весе янтнэ-китне…
Ансяк эзь саеве тензэ мастором.
Свидетельство о публикации №118082008118
Александр Соколов 24 20.08.2018 20:55 Заявить о нарушении
Людмила Рябова Эрзя 20.08.2018 21:08 Заявить о нарушении