Илямак чумондо, эрямом – ансяк тон.
Илямак чумондо, тонтеметь а лексеван,
Тонтеметь теке пондонь канстт кедьпеван…
Ансяк а кандан кеняркс тонеть мон.
Бути а кандан кеняркс тонеть мон,
Сестэ монь марто стакадояк стака
Ды кельме гуекс вакссон весь кувака…
А содангак, кода цидярдат тон.
Илямак чумондо, а туян эйстэть мон,
А муян вий эсь прям лиясто вешнемс…
Ды таго бажан лексемасот эжнемс,
Ды янксян, мекс а эждеват тень тон.
Илямак чумондо
© Copyright: Людмила Рябова Эрзя, 2018
Свидетельство о публикации №118082008097
Свидетельство о публикации №118082008097
Рецензии