Эрзянь Мастордо вал

Людмила Рябова Эрзя
Монь Эрзянь Мастором
ламо пингеть эрясь.
Ламоксть сонзэ пелев
нерькстневсь ятонь нересь.
Верьсэ валнось моданть,
кона эрзят раштась.
Цидярдсь монь Мастором,
вий эрямонь таштась.
Таго чачтась цёрат,
таго чачтась ават,
стявтнесь виев ушмант 
пирявксонзо прява.
Кородовксонь  пинкссэ 
тапардызе прянзо,
сех чопода таркас
кекшизе олянзо.
Анокстась пшти торот
ды кувака сялгот…
Аволь свал раськетне
эрясть кода ялгат.
Монь Эрзянь Мастором
эрзянь верьсэ викшнезь.
Зярдояк монь раськем
моданзо эзь микшне.
Торонть каршо – торо,
инжетненень – пуре.
Эсь Масторот кисэ
аволь пежеть  тюремс.
Олячинть питнензэ
уречись  содасы.
Ансяк олячисэ
ине раське касы.
Ансяк тумось рашты
сэрястонзо тумо.
Эрямо а маштат –
тонсь улезат чумо.

Кезэрь пингень превтне
эзть ванстово тенек,
Ды велькссэнек лайши
эрзянь менеленек.


© Copyright: Людмила Рябова Эрзя, 2018
Свидетельство о публикации №118082008068
Список читателей / Версия для печати / Разместить анонс / Заявить о нарушении
Другие произведения автора Людмила Рябова Эрзя
Рецензии
Написать рецензию
Другие произведения автора Людмила Рябова Эрзя