Путат мель, яла кутьмере яжат,
Мештеть потмакссто седееть таргат,
А тонеть, прок кисканень, – ловажат,
Сеске невтьсызь анеявикс таркат.
Максыть вайгель – ды керясызь келеть,
Максыть оля – ды китнень пекстасызь.
Конязь сельмесэ ванат икелев, –
Секень вант сельмеваряткак стасызь.
Сядо узереть понгавтозь велькссэть,
Онкстнить теветь асодавикс Васят.
Ревекс шешкат эсь икелепельксэть,
Арсят – улят, а тон уш арасят.
Путат мель, яла кутьмере яжат...
© Copyright: Людмила Рябова Эрзя, 2018
Свидетельство о публикации №118082007991
Свидетельство о публикации №118082007991
Рецензии