Лиясто маряви, Модась канкстомсь,
лоткась чарамодо минек оскась.
Ды маряви стакакс чаво канстось:
ускат-ускат, варштат – яла тоскат.
Ней истя аравтозь лувось-ладось –
а явовить рисьметне ды олясь.
Порезь сускомось, миненек кадовсь…
кадовсь ансяк поревксэнть каволямс.
Ванат эсеть лангс ды арсят: кият?
Потсот – идем лишме, лангсот – ласте.
Кемат, новтаведьменть сезьсызь лият,
ды тонгак кармат эрямо парсте.
Чамакс экшстэ мусынек эсь прянок –
теяк паро, пелеманок поты.
Раказеви идемевсь оянок…
Кить ней минь, сонсь шайтянось а соды.
Чамакс экшсэ
© Copyright: Людмила Рябова Эрзя, 2018
Свидетельство о публикации №118082007977
Свидетельство о публикации №118082007977
Рецензии