Эйстэнек эрьвась сонсь кочкасы рисьменть,
Се рисьменть, конань чеменьгак а сэви,
Се рисьменть, конас сёлмотне керсевить...
Ды те полонстонть аволь весе лиснить.
Эйстэнек эрьвась сонсь кочкасы пиксэнть,
Се пиксэнть, кона канжамотнень терти.
Сонзэ кияк а венстьсы тенек верде...
Эйстэнек эрьвась сонсь тешкстасы киксэнть.
Эйстэнек эрьвась сонсь кочкасы пазонть,
Се пазонть, кона иди эли машты,
Се пазонть, кона вандынть малав шашты...
Ды эрьва пазонть эсензэ чамазо.
Эйстэнек эрьвась сонсь кочкасы лувонть,
Се лувонть, конань коряс оймесь эри.
Секс веенст чатьмонить, лият — сеерить…
Секс веенст порить чевтенть, лият — кувонть...
Ды эрьвась сонсь эсь кочкамосонть чумо.
Эйстэнек эрьвась сонсь кочкасы рисьменть...
© Copyright: Людмила Рябова Эрзя, 2018
Свидетельство о публикации №118082007819
Свидетельство о публикации №118082007819
Рецензии