Без рубрики с днём рождения

Хадижат Омарова
Къалари адамдешла

Пергер дарган Муртазаг1яли Муртазаг1ялиевлис

Саберхурти шантала,
Багьадуртала кьамла,
Даргандеш х1едицибси
Гъабзари х1у Каспийскла.

Х1езиргъунти адамдеш
Диалри гьариллизир,
Х1ебири ишцад кьяркьси
Нуша х1ердирул манзил.

Тах лебли, хамдеш агар,
Х1урмат лебкъи- уктемдеш,
Бахъал х1якимталаван,
Агара тамях1кардеш.

Х1елукъул къуртмабани
Халкьла кам ишхъух1ели,
Х1ела сахаватдешли,
Даргандеш сар духъули.

Хъям-кьац1ла дунъяличив
Ламус-х1яяла умцла,
Базарла ванзаличив
Къалари адамдешла.

Урхьу-дублав къунзик1ен
Уртахъ Кьасумбекличил,
Дубуртазив ватухъен
Гъайлис марти гъубзначил.

Генерал-лейтенантла
Погонтала лямц1арли
Нарт Муртазаг1ялила
Ахъбурцу у даимлис.

Азирла г1узру ирзул,
Бахътала мурад бирул,
Даргантала шайзибад
Мубарак кьабулбара.


© Copyright: Хадижат Омарова, 2018
Свидетельство о публикации №118080400395
Список читателей / Версия для печати / Разместить анонс / Заявить о нарушении
Другие произведения автора Хадижат Омарова
Рецензии
Написать рецензию
Другие произведения автора Хадижат Омарова