Себебсуз квахьай к енивал

 Жегьил тир зун , гзаф тушир
Кьадарни зин яшарин .
Са  рушал лап ашукь хьана
Кьарай квахьнай , ахварин.

 Яргъай килигиз жедай зун
Тегьердиз ам къекъведай.
Рик/из чими , хуш къаматдиз
Килигиз , зун хъуьредай.

 Лап хуш тир заз а гуьзел руш
Нез к/анзавай вилерал.
 Фикирнай за, кьада лугьуз
Вахт хьайила , гъилерал.

  Зун ашукь хьанвай а рушан
Дидени , лап гуьрчег тир.
Зи рухвайриз гуьрчег диде
Жедайдини керчек тир.

Жува-жуваз фикир ийиз
Туьк1уьриз  заз планар.
Уьмуьр шад(из) шадийиз  тади квай зак
Квез герек тир баянар.

Са карди кутазвай къурху
Заз жезвай иран диде.
Дишегьли буй-абур авай
Вучиз, ялгъуз ят/а къе?

Акъвазрин за  и эхтилат
Ахпа уьмуьр фейивал.
Яб це дустар за лугьуда
Хьайи кар, гьа хьайивал.

Зин дахдинни гьак/ дидедин
Чагъиндавай йисар тир.
Хзанарни к/вал-югъ авай
Хуьруьз магьшур ксар тир.

Са сеферда дидени зун
Меслят хьана сад -садал
Меркездиз физ гьазур хьана
Са кьил ч/угваз стхадал.

Ватандиз къуллугъ ийизвай
Акваз к/анз зи стха ч/ехи
Шадвиляй зин рик/ ифизвай
Дидедлайни заз тир хвеши.

Къулугъзавай стхади зин,
Агакьна чун частуниз.
Нисинлай алатна югъни
Сятинини , "пуд " ганавай вахтуниз.

Форма алай командирди
Кьабулнай чун рахана.
Тербия гайи дидедиз
Аферин хьуй лагьана.

Хцел са кьил ч/угваз атай
Игит-диде акуна.
Са гьафте хутах ам к/вализ
Лугьур "ПРИКАЗ" авуна.

Хвеши хьайи зи дидедик
Йигин лувар акатнай
Гьа и юкъуз , адан рик/е
К/вализ хъфин акъатнай.

Меркездавай мукьвабуруз
Хабар гана , лагьанай.
Са кьуд-вад кас чин гуьгъуьна
Гьатна , к/вализ хтанай.

Кьве машинда авайкьванбур
Лап ц/уд касдин кьадар тир.
Чун чи к/вализ агакьай вахт
Мич1и , йифен кьулар тир.

Экъеч/на тадиз машиндай
За чи варар гатана.
Экв кузвайт/ани, чи дахди
Вар акъайнач атана.

Зи дидедик хъел акатна
Лагьана заз, варарал
Акьахна, ахлад ву к/вализ
Биши я дах , япарал.

Хкаж хьана варарал зун
Эвич/на чи сергьятдиз.
Къене патай , варцин чефте
Акъайна за, регьятдиз.

Залайни фад , катиз-катиз
Диде к/вализ хъфена.
Масад галаз чай хъвазавай
Дах, дидедихъ элкъвена.

Магь, гила , ягъайбур ина
Сада- садан сарар я.
Зи дидедин кьве гъилелни
Алчуд хьайбур ч/арар я.

 СА гьал , секинарна абур
А дишегьли рахкурна.
Агьвалатди чи мугьманар
Фитнейралди  рахурна.

Мад лугьункай вучда гила
Квез чизва , вуч хьанат/а
Къад йис санал хьайи зи дах
Дидедиз , гьик/ къанат/а.

Вуж тирт/а араяр къурай
Дишегьлини гьаян я.
Ам зун ашукь хьанвай рушан
Диде я, са илан я.

Элкъвена зи дахни , хъел кваз
Хтай хциз килигна.
Са куьн ят/ани  гъавурда тваз,
Долалайдал илигна.

Хьаначчирни вавай я хва
Са маса югъ жагъуриз?
Кьисас кьаз заз хтана вун
Зун виридаз къалуриз.

На лугьуда, игит я са
Берлин къачуна хтай.
К/ват/на вири гваз хтана
Кар аку на заз ат/ай.

Зи дахдин к/енивили гьак/
Зин к/енивал квадарна.
Заз к/ени руш дидени гваз
Катна, хуьрни гадарна.

Себеб вуч тир , лагь к/енивал
И саягъда илифай.
Сифте муьгьуьббат зи рик/е
Яд хьиз ама , элцифай.