Кьуллар Г Омаров

 Икрах1  хьуна  зулумикк,
Андай са имдад  чара.
Мух1уйъ сумарин кlеникк,
 Кьуlлар гунт хьуни пара.

Къутармиш вес балайкес,
Фишттинф аттивай  г1амал?
Китанис гуж акьуттин
Лап сакьурай  жан-жамал!
 
Маслиг1атар журба-жур,
Ахтилатар камаллу.
Икьрарис  адай са  тур,
Джалла хьуни хияллу.

Сад арх1уна ачlа хил,
Икке муулар алеф.
Гъайихьуна  фурс  фай кlил,
Дилаварди гъургъаеф.

Жанабияр, ханумар,
 Къайгъу зав фа залумин  
Див,  ихьас х1яву  зангар,
Ун хьурай хьес къалумин.

Пагь, иже маслигlати,
Вагlдай амий пуфтай фас.
Лап зурба ахlтияти,
Гъушас азадди нафас.

Шадвелдин, хьуна фараш,
Илгунда кьадар-хьисаб.
 Яваш, жегьилар, яваш,
Зе суъалис тин жуваб.

Кьу1ссе хьуна, ягъ андай,
Уч  жилилас икь чlирх1яй,
Гъургъвас махlфар хъундай
Удигь хьуни са пайда.

Майданисти мич атучl,
Фиш ийчугвас ли зурба,
Ахъаф  душмандин хlяву
Зарг атай руха  турба.

Эгьан хьед латlунде хьар?!
Кьуlларин халкь  хьуни лал.
Фагьум дакьу гьар са кар,
Эхи Аллагьтин завал.