Марьямаз

Яхцlурни цlуд хьанвай яшар,
Вун цуькведиз язва  ухшар.
Гьич садрани тахьай фурсар,
Гьахьтин руш я хъукьва,Марьям!

Буй-бухахдиз авачир тай,
Кlевевайдаз язва вун гьай.
Акат тийир хъуьтlуьзни къай,
Гьахьтин руш я хъукьва, Марьям!

Авай вичихъ дибни-дувул,
Кар-кеспидал тежер кагьул.
Вичин кьиле авай акьул,
Гьахьтин руш я хъукьва,Марьям!

Хуьре-кlвале машгьур хьанвай,
Баркаллу тир тухум авай.
Назни-дамах садран тахьай,
Гьахьтин руш я хъукьва,Марьям!

Акьул-камал вичихъ авай,
Къачур диде-бадедивай.
Аялариз "А","Б"чирзавай,
Гьахьтин руш я хъукьва,Марьям!

Шииратдал рикl алай руш,
Гьа кар хьанва гила ваз хуш.
Гъиле кьенер тийизвай буш,
Гьахьтин руш я хъукьва,Марьям!

Хзандал кард хьиз элкъвезвай,
Мугьман итимдихъ гелкъвезвай.
Такабурлу яз къекъвезвай,
Гьахьтин руш я хъукьва,Марьям!

Кlуфал хъуьруьн алаз рахун,
Бес я чаз,вун къе гьакl акун.
Дуьз туш зиди вун кваз такьун,
Гьахьтин руш я хъукьва,Марьям!


Ш.Шабатов.